Gjykata e Lartë është bërë me 10 anëtarë dhe kështu i hapet rrugë zgjedhjes 3 anëtarëve të Gjykatës Kushtetuese që zgjidhen nga ky institucion. Me emërimin e sotëm nga Presidenti Ilir Met të gjyqtares Arbena Ahmeti, Gjykata e Lartë plotëson kështu kushtin ligjor për të pasur më shumë se gjysmën e anëtarëve të saj Tashmë Gjykata e Lartë mund të votojë për të zgjedhur anëtarët e Kushtetueses të cilët miratohen me tri të pestat e votave të pjesëmarrësve në votim, pra në rastin konkret duhet 6 vota pro.
"Presidenti i Republikës, në mbështetje të Kushtetutës, dhe me vullnetin që Gjykata e Lartë të jetë sa më shpejt plotësisht funksionale me të gjithë trupën e nevojshme të saj, i bën thirrje Këshillit të Lartë Gjyqësor që të vijojë punën me impenjim të plotë, të pandërprerë, me transparencë, me qëllim përfundimin pa vonesë të procedurave për plotësimin e Gjykatës së Lartë me të gjithë numrin e nevojshëm të gjyqtarëve", ka shkruar Meta në mesazhin pas dekretimit të znj. Ahmeti.
Arbena Ahmeti, ish-gjyqtarja e Gjykatës Administrative të Shkallës së Parë, Tiranë, u miratua nga Këshilli i Lartë Gjyqësor. Ky vendim i KLGJ-së erdhi dy javë pasi Gjykata e Lartë konstatoi pamundësinë e thirrjes së mbledhjes së posaçme për zgjedhjen e anëtarëve të Gjykatës Kushtetuese për shkak të mungesës së kuorumit të nevojshëm me 10 anëtarë.
Gjykata e Lartë njoftoi më 26 janar se e ka të pamundur të thërrasë mbledhjen e posaçme pasi përbëhej me vetëm 9 anëtarë nga 19 që duhet të ketë. Për të thërritur mbledhjen e posaçme nevojitet edhe anëtari i 10-të. Gjykata e Lartë e bëri publik këtë konstatim pas miratimit nga Këshilli i Emërimeve në Drejtësi të listës së katër kandidatëve për vendin vakant të ish-gjyqtarit të Gjykatës Kushtetuese, Fatmir Hoxha dhe kërkesës për vijimin e procedurës.
Ambasadorja e SHBA, Yuri Kim ka përshëndetur dekretimin e Presidentit Ilir Meta për anëtarin e 10 të Gjykatës së Lartë, teksa shkruan se mirëpret bashkëpunimin e vazhdueshëm ndërmjet institucioneve për zbatimin e reformës në drejtësi.
Ndërkohë, dekretimi i Metës për anëtarin e 10 të Gjykatës Kushtetuese është përshëndetur dhe ambasadori i BE në vendin tonë, Luigi Soreca, i cili thotë se ky është një tjetër hap i rëndësishëm në konsolidimin e reformës në drejtësi.
"Mirëpresim bashkëpunimin e vazhdueshëm ndërmjet institucioneve për zbatimin e reformës në drejtësi, përfshirë emërimin e sotëm nga Presidenca e gjyqtarit të 10-të në Gjykatën e Lartë. Kjo rrit funksionalitetin e Gjykatës së Lartë, gjithashtu i mundëson të emërojë gjyqtarët për Gjykatën Kushtetuese", shkruan ambasadorja.
Komente
Turp turp o ilir kur kjo ka bere namin me vendimet e saja ketu ne lushnje e ka favorizuar hapur interesat e saj
PërgjigjuO zot ca i beni ketij populli!
PërgjigjuKu shkel kemba ilir metjas ka korrupsion dhe dicka ne dizfafor te drejtesise e popullit
Përgjigjukesaj zonjes i takon se e ka nisur karieren si juriste ne bashkine e tr kur kryetar ishte rama.E sigurisht po reformen ne drejtesi po e bejne nderkombtaret
PërgjigjuCfare fatkeqesie per sistemin e drejtesise ne ate vend. Cojne nga gjykata me e ulet ne gjykate te larte pa kaluar ne apel njehere. As ne kohen e enverit nuk boheshin keso gafash
Përgjigju