GREQI-Një 20-vjeçar shqiptar është arrestuar ditën e djeshme(11 qershor) nga policia greke pasi akuzohet për vjedhje të disa bizneseve.
I riu hynte në dyqane dhe “zbrazte” kasat e bizneseve nën kërcënimin e thikës, ishte kthyer në makth për dyqanxhinjtë e Bajronit dhe Pakratiou muajt e fundit.
Protothema.gr ka publikuar video të cilat tregojnë 20-vjeçarin duke hyrë nëpër dyqane.
Sipas hetimeve në fund të prillit 2024 i riu, i veshur me kapuç tip “full face”, shkonte në dyqane (kioska, minimarkete etj.) gjatë orëve të mbrëmjes dhe vidhte paratë nga kasa.
Thuhet se autori ishte i përfshirë në të paktën gjashtë raste të grabitjes, ndërsa pas arrestimit i është caktuar masa e ndalimit të përkohshëm.
Komento
