Kosova & Rajoni

Greqi, kapen 23 kg heroinë arrestohen një shqiptar dhe një turk

5 Qershor 2021, 13:56| Përditesimi: 5 Qershor 2021, 14:16

  • Share

Një shtetas shqiptar dhe një turk kanë përfunduar në pranga pasi atyre u është kapur mbi 23 kg heroinë, me origjinë nga Turqia, është kapur në Doganën e Selanikut. Mediet fqinje raportojnë se në pranga ka rënë një shtetas turk 50 vjeç dhe një shqiptar, 43 vjeç, të cilët dyshohet se janë anëtarë të bande ndërkombëtare të trafikut të heroinës.

Operacioni për arrestimin e tyre është kryer në autostradën Selanik-Athinë. 50-vjeçari ka transportuar me kamion ngarkesën ilegale, të cilën e ka importuar përmes Doganave të Kopshteve, në Evros.

Në parkun e makinave, afër daljes në Veria, turku është takuar me shqiptarin, i cili ka marrë dy çanta shpine që përmbanin gjithsej 23 pako heroinë, me peshë totale 23 kg dhe 126 gram.

Lëvizjet e tyre janë monitoruar nga policia, e cila ka ndërhyrë, duke ndaluar makinën e drejtuar nga shqiptari, të ngarkuar me drogë, ndërsa në të njëjtën kohë është arrestuar edhe i bashkëpunëtori i tij 50-vjeçar.

//ReportTv.al
Komento
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?