Rritja e të infektuarve me koronavirus në vendin tonë ka çuar drejt ezaurimit 550 shtretërit në4 spitalet COVID në kryeqytet. Nga dita e sotme nis aktivizimi i spitaleve rajonale sipas tre skenarëve të hartuara nga ministria e Shëndetësisë.
Në skenarin e parë (A) përfshin hapjen e 5 spitaleve rajonale:
Spitali Rajonal Durrës
Spitali Rajonal Elbasan
Spitali Rajonal Korcë
Spitali Rajonal Shkodër
Spitali Rajonal Vlorë
Në këtë skenar totali i shtretërve të dedikuar pacientëve me COVID-19 shtohet me 432-647 shtretër.
Skenari i dytë (B) do të futet në funksion në momentin e plotësimit të kapaciteteve të shtretërve të përcaktuara në skenarin A per spitalet rajonale COVID-19.
Skenari B përfshin hapjen e tre spitaleve rajonale, atë të Beratit, Fierit dhe Lezhës. Totali i shtretërve të dedikuar pacientëve me COVID-19 shtohet me 167-280 shtretër.
Në skenarin e tretë (C) përfshihet hapja e spitalit Rajonal të Gjirokastrës, Kukësit dhe Dibrës. Totali i shtretërve të dedikuar pacientëve me COVID-19 shtohet me 146 shtretër.
Me përfshirjen e tre skenareve për spitalet rajonale, në total vendi ynë arrin në 1600 shtretër të dedikuar për pacientët me COVID.
