Helidon Bushati , drejtuesi politik i PD-së për qarkun Shkodër zhvilloi sot një bashkëbisedim me të rinjtë e kryeqendrës së veriut, nga ku akuzoi qeverinë se nuk ka bërë asgjë për ta, për t’i mundësuar që të ecin përpara.
Ai prezantoi programin e PD-së, duke thënë se është një program real, ndërsa i bëri thirrje të rinjve që të rikthehen në vend dhe të japin kontributin e tyre.
“Programi i partisë demokratike do të fokusohet te rinia. Kemi parashikuar masa ndihmese edhe për ato që ....si fillim të qëndrojnë në Shqipëri. Bursa studimi, janë 5 mijë bursa të plota studimi për familjet në nevojë. Do të jenë taksa 0 për familjet që kanë deri në 650 mijë lekë të vjetra të ardhura. Pse kjo? Që me i dhënë mundësi kujtdo të shkojnë dhe të studiojnë , dmth asnjëri nuk duhet të humbas shkollën vetëm për fatin e keq që të ardhurat familjare janë të ulëta. Thirrja jonë për rininë shqiptare është të kthehen dhe të kontribuojnë për karrierën e tyre dhe qytetit të tyre në Shkodër. Të rinjtë e Shkodrës më japin optimizëm, që ecin përpara dhe janë të zot me ec përpara. Thjesht ju duhet një klimë e përshtatshme që me e gjet veten që kur të ktheheni me pas mundësi që me shpreh gjithë potencialet tuaja”, tha Bushati.
