Në një kohë kur varianti delta është bërë “armiku” kryesor i “luftës” me pandemisë e COVID-19, kryetari Bashkisë së Divjakës Fredi Kokoneshi i ka bërë thirrje çdo qytetari të mos tregohet neglizhent dhe të vaksinohet.
Me pamje nga qendrat shëndetësore, ai u shpreh se të gjitha vaksinat që qeveria shqiptare ka vënë në dispozicion të qytetarëve janë efikase dhe janë e vetmja shpresë për të dalë nga kjo situatë pandemike.
Kokoneshi, i ftoi të gjithë qytetarët të prenotojnë sa më shpejtë të jetë e mundur vaksinën e tyre COVID-19, pasi është e vetmja mënyrë për t’u mbrojtur nga virusi.
Vaksinimi masiv, po vijon të jetë i suksesshëm, ndërkohë që interesimi sidomos i të rinjve javë e fundit ka qenë shumë i lartë.
Në një kohë kur së shpejti do të nisin shkollat, është detyrim tashmë për studentë dhe pedagog të marrin vaksinën anti-COVID.
