VELIPOJË- Policia e Shkodrës ka arritur të arrestojë autorin e dytë i cili mbolli 2150 fidanë kanabis në Velipojë. Xhavaihiri është vëllai i Fatmir Bajramit, i cili u arrestua më 30 mars në Velipojë për mbjellje kanabisi. 37-vjeçari Xhavahir Bajrami u kap në banesën e motrës në fshatin Grizhë, Malësi e Madhe.
Gjatë kontrollit në territorin e fshatit Luarzë, shërbimet e Policisë gjetën 1900 fidanë të dyshuar narkotikë cannabis sativa, në kubikë, pjesa më e madhe e tyre e mbuluar me plastmas. Gjatë kontrollit në anë të lumit Buna, në territorin e fshatit Reç i vjetër, Policia gjeti 250 fidanë të dyshuar narkotikë të kultivuar në kubikë.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme, për veprën penale “Kultivimi i bimëve narkotike”, kryer në bashkëpunim dhe më shumë se një herë.
