Pas lajmeve se trajneri i kombëtares Edy Reja i ka sugjeruar Napolit blerjen e Kristjan Asallanit ka folur vetë italiani për pretigjozen ‘Gazzeta dello Sport’. Reja e ka lavdëruar së tepërmi mefushorin 20-vjeçar të Empolit dhe thotë se nëse e pyesin do ia këshillonte pa maëdshje Napolit të Aurelio de Laurentis.
“Asllani është një lojtar shumë interesant. Për mua ai është i destinuar që të shkojë te një klub i madh. Nëse De Laurentis më pyet, unë do t’ia këshilloja menjëherë për te Napoli.
Më ka bërë përshtypje personaliteti i tij dhe në muajin mars bëri debutimin e tij me Kombëtaren A të Shqipërisë ndaj një përfaqësuese të madhe si Spanja edhe pse është 20 vjeç.
Përshtypja është e mrekullueshme sepse ai di të qëndrojë në fushë në mënyrë inteligjente dhe ka dy këmbë të shkëlqyera,”-përfundoi Edi Reja.
