Derbi i Torinos mes skuadrës ‘granada’ dhe Juventusit ka përfunduar në favor të bardhezinjve me rezultatin 0-1. Një sfidë mjaft e dyluftuar që u zgjidh nga një gabim i skuadrës vendase me autor sulmuesin Zaza. Ky i fundit ktheu topin në mënyrë të gabuar te portieri i cili në nxitim për ta larguar shkaktoi penallti ndaj Mandzukiç.
Ekzekutimin e merr përsipër Ronaldo i cili nuk gabon duke realizuar në krahun që portieri Sirigu i kishte sugjeruar. Juventus realizoi edhe golin e dytë me Mandzukic, por u hoq nga “VAR” për pozicion jashtë loje. Gjithsesi në fund një tjetër fitore e cila është e 15 në 16 javë.
Tre pikë ka marrë edhe Interi që në San Siro ka mposhtur 1-0 Udinezen. Skuadra zikaltër u rikthye të fitoret pas 2 ndeshjeve falë kapitenit Mauro Icardi që ktheu në gol me ‘panenka’ një penallti të fituar me “VAR”për prekje të topit me dorë.
Ndërkohë në “La Liga” edhe Reali i Madridit ka marrë tre pikë cinike ndaj Rajo Valekanos. “Galaktikët” triumfuan 1-0 falë Benzema-s që shfrytëzoi siç duhet një asisit të Lucas në minutën e 12 të takimit. Në këtë mënyrë skuadra e Solarit lë pas atë humbje 0-3 kundër CSKA-s në grupet e “Champions League”.
Në “Bundesligë” Dortmund vijon të ruajë diferencën me Bayern Mynchen pasi në “Sigal Iduna Park” ka fituar 2-1 kundër Ëerder Bremen. Verdhezinjtë fillimisht kaluan në avantazh me Alcaser në minutën e 20, ndërsa pak çaste më pas dyfishuan shifrat me Reus. Po në pjesën e parë miqtë arritën të shkurtonin diferencat, por gjithesesi nuk arritën që të dilnin me pikë nga ky takim.
Futbollistët e Juventusit duke festuar golin
Juve fiton derbin e Torinos, Dortmund vijon të ruajë distancën me Bayern-in
Juventus nuk di të ndalet në “Seria A” pasi këtë fundjavë ka mposhtur 0-1 në derbin e Torinos skuadrën ‘granada’. Po me të njëjtin rezultat ka triumfuar edhe Interi në “San Siro” kundër Udinezes. Ndërkohë në “La Liga” Reali ka marrë tre pikët kundër Rajo Valekanos, ndërsa në “Bundesligë” të njëjtën gjë ka bërë edhe Borussia Dortmund.