Bekim Balaj është kthyer në Kombëtare pas një mungese jo të shkurtër për dy ndeshjet miqësore kuqezinjtë luajnë kundër Uellsit dhe Republikës Çeke.
“Është kënaqësi dhe vlerësim i madh për mua sa herë vesh fanellën e ekipit kombëtar. Emocioni sa herë është sikru e vesh për herë të parë fanellën e kombëtares. Këto ndeshje janë miqësore, por për ne kanë vlerësimin maksimal, sepse me atë që luajmë janë të ngjashëm me kundërshtarët që kemi në grupet e Botërorit. Bëhet fjalë pëer Poloninë dhe Hungarinë. Ja një test para këtyre sfidave dhe përqëndrimi është maksimal. Do të bëjmë më mirën për të parë a jemi apo jo gati për këto ndeshje,”-u shpreh Balaj.
Për mesfushorin Endri Çekiçi dy ndeshjet me kundërhstarë që janë pjesë e Europianit do të vlejnë për të forcuar Shqipërinë kur të rikthehen kualifikueset e Botërorit.
“Në këto ndeshje pavarësisht rezultatit ne do të japim maksimumin për të parë nëse diçka nuk shkon dhe për ta rregulluar kur të vijnë kualifikueset,”-deklaroi Çekiçi.
Të dy përballjet do luhen në transfertë. Kuqezinjtë fillimisht do inkuadrohen me Uellsin në datën 5 qershor, ndërsa me datë 8 luajnë përballë Republikës Çeke.
