Ambasadorja e SHBA-së, Yuri Kim

Politikë

SHBA-OSBE: Parlamenti duhet të miratojë zgjatjen e afateve të vettingut, 'Zgjedhorja' sipas rekomandimeve të ODIHR

21 Tetor, 15:02| Përditesimi: 21 Tetor, 20:32

TIRANË- Teksa duket se mes palëve politike ka një mos-dakordësi lidhur me diskutimet për zgjatjen e afateve të organeve të Vettingut, Shtetet e Bashkuara të Amerikës dhe OSBE bëjnë thirrje që parlamenti të kalojë reformën kushtetuese për të zgjatur mandatin e anëtarëve të KPK dhe KPA.

Këtë deklaratë bëri Ambasadorja e SHBA, Yuri Kim gjatë takimit me ambasadorit të OSBE, Vincenzo Del Monaco ku thekson edhe se autoritetet dhe palët duhet të veprojnë sipas rekomandimeve të OSBE edhe mbi zgjedhjet.

“Takova sot ambasadorin  e OSBE, Vincenzo Del Monaco,  për të diskutuar një sërë çështjesh. Ne jemi dakord që, në përputhje me rekomandimin e ONM-së, Parlamenti duhet të kalojë reformën kushtetuese për të zgjatur mandatin e vettingut. Gjithashtu pajtohen që autoritetet dhe palët duhet të veprojnë sipas rekomandimeve të OSCE/ODIHR mbi zgjedhjet”, shkruan Kim.

Më 15 tetor, Partia Socialiste ndërmori hapin konkret për zgjatjen e afateve të organeve të vettingut. PS propozon shtyrjen me 2 vite e gjysmë afati i Komisionit të Pavarur të Kualifikimit, ndërsa për këtë, publikisht kanë kërkuar edhe mbështetjen e PD-së, megjithatë nuk ka ende një përgjigje nga këta të fundit.

I.K.//ReportTv.al
Komento

Komente

  • Yuri: 21/10/2021 18:30

    E kuptuam znj Ambasadore! Dmth mandati i kpk do zgjatet edhe dy vite se ne fakt nuk ju mjaftuan 5 vite duke rrjepur popullin me rrogat e majme qe kane dhe gjobat marramendese qe kane vene dhe po vene ne “ ushtrim te detyres “ Si qytetare e keti shteti te pa-varur me vjen turp te them qe ne kemi nje Kushtetute , akt te ciles i ka humbur kuptimi dhe qellimi, duke e shnderruar ne nje akt te thjeshte nenligjor i cili mund te ndryshoje sa here te doje politika dhe amerika. Pasojat qe po krijon kjo rilindje komuniste nuk jane gje tjeter vecse zgjatim i perndjekjes dhe persekutimit te sistemit te vjeter te diktatures. Ju sugjeroj qe meqemese do nderhyni perseri ne kushtetute , shfuqizoni nenet per formimin dhe kompetencat e klp dhe klgj se kot i krijuat. .

    Përgjigju
  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?