Policia e Prrenjasit ka arrestuar një 48-vjeçar pasi gjatë kontrollit në makinën e tij, i janë gjetur 10.5 kg drogë e dyshuar kanabis sattiva.
Shtetasi me inicialet A. V, banues në fshatin Memelisht, Pogradec është vënë në prangat e policisë pasi gjatë kontrollit të ushtruar në automjetin e tij tip “Opel”, uniformat blu kanë gjetur 10.5 kilogramë lëndë narkotike kanabis, e cila u sekuestrua në cilësinë e provave materiale së bashku me mjetin dhe një aparat celular.
Ndërkohë, materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
M.Q./ReportTv.al
Komento
