Rama qëndron në pushtet e ka gjata të vazhdojë të qëndrojë, jo se është fenomen e jo se është lider vizionar, por kjo Opozitë nuk u ofron shqiptarëve asgjë më të mirë se Rama që ta votojnë e ta sjellin në Pushtet! Kauzat e ngritur nga Opozita në sytë e shqiptarëve nuk kanë as sinqeritet e as dallim nga ato që bën Rama sot.
Opozita flet për antikorrupsion, por harron se si ka qeverisur në kohën e saj dhe si është perceptuar nga shqiptarët! Opozita flet për demokraci, por harron se si ka qenë historia e saj në të kaluarën e po ashtu edhe sot, nuk ka asgjë më ndryshe se nga Rama, qoftë në organizimin e brendshëm apo edhe në atë të jashtëm!
Opozita flet për risi dhe gjëra të reja, por harron se po rikthehet me një model më të vjetër e më të konsumuar sesa shumica e sotme e Ramës! Opozita flet për zgjedhje demokratike, por harron se ka qenë bashkëfajtore për këtë sistem zgjedhor, për kulturën e mos pranimit të rezultatit e pse jo edhe për fenomenin e tjetërsimit të votës!
Opozita flet për alternativë ndryshe e harron se një pjesë e saj ka qeverisur me Ramen deri në 2017! Opozita, ngre kauza që jo vetëm nuk i besojnë shqiptarët, por ndoshta e humbin më shumë besimin këta të fundit! Jo çdo aksion është një kauzë dhe jo çdo kauzë mund të kthehet në aksion! E kritikojnë Ramen për qëndrime ndërkombëtare, por harrojnë faktin e tyre se janë të izoluar ndërkombëtarisht!
Opozita flet për Ramën për drejtësinë e kapur, por harrojnë se si ishte drejtësia në kohën e tyre. Nëse do të ishte ok, nuk do të duhej kjo reformë që po ndodh! Kjo Opozitë flet për protesta, por harrojnë se në kohën e tyre as nuk mund të protestohej!
Kjo Opozitë flet për largimin e të rinjve, por harrojnë se si ishte punësimi në kohën e tyre! Kjo Opozitë mund të flas për çfarë të dojë, por sigurisht nuk janë një alternativë për vendin e për këtë arsye Rama vazhdon të jetë ashtu siç është! Vendi ka nevojë për një Opozitë të re ne format, përbërje e në vizione!
Komente
Keta kane hap gojen si krapa, duan tu futesh tullumin ne goje.
Përgjigju