Pas disa tentativave për të pushtuar me forcë selinë e Partisë Demokratike, Sali Berisha i ka lënë afat Lulzim Bashës deri në 5 janar 2022, për t’u larguar nga selia bashkë me lidershipin e tij. Në të kundërt, Sali Berisha ka sinjalizuar se do të rrethojë me mbështetësit e tij selinë blu, duke nënkuptuar mundësinë e largimit të Bashës me forcë. Nga ana tjetër, Lulzim Basha ka deklaruar se po përgatitet për të përballuar të gjithë skenarët e Sali Berishës, përfshirë edhe një sulm të mundshëm të këtij të fundit, për të marrë me forcë selinë. Dy grupet, pasi kanë shkarkuar dhe nuk njohin njëri-tjetrin, duket se po shkojnë drejt një përplasje fizike.
Krahas rrugës së vetëgjyqësisë, Lulzim Basha dhe Sali Berisha kanë nisur edhe një betejë ligjore. Është pikërisht kjo përballje ligjore, e cila në fund do të përcaktojë se kush do ta kontrollojë selinë e Partisë Demokratike.
Sali Berisha ka dërguar për konfirmim në gjykatë statutin paralel që miratoi në Foltoren e Madhe në stadium, në 11 dhjetor 2021. Mbi këtë statut, Berisha ka shkarkuar Lulzim Bashën dhe rrethin e tij, ndërsa ka kaluar PD-në në duart e një të ashtuquajturi Komision për Rithemelimin e partisë. Statuti i Berishës është miratuar nga një Kuvend qartësisht i paligjshëm, jashtë statutit zyrtar të PD-së dhe mbi rregulla arbitrare të sajuara nga Berisha, pasi është shmangur verifikimi i firmave të delegatëve, ndërsa Kuvendi është drejtuar nga një komision i paligjshëm i caktuar nga Berisha.
Për konfirmim në gjykatë ka dërguar ndryshimet statutore edhe Lulzim Basha, ndonëse 5 muaj me vonesë. Mbi këto ndryshime, Lulzim Basha, në Kuvendin e 18 dhjetorit 2021, nxori jashtë lojë të gjitha vendimet e njëanshme dhe strukturat paralele të ngritura nga Berisha. Basha largoi Sali Berishën nga çdo forum të PD-së për shkak të shpalljes non grata nga SHBA dhe mentalitetit komunist.
Skenarët
Gjyqtari milioner dhe me karrierë të dyshimtë Agron Zhukri do të shqyrtojë statutin e grupit të Berishës. Nëse Agron Zhukri refuzon konfirmimin e statutit paralel si paligjshëm dhe bazuar në dokumente të falsifikuara, një vendim i tillë do të bënte të pavlefshëm jo vetëm statutin, por edhe Kuvendin e 11 dhjetorit, komisionin e rithemelimit si dhe të gjitha vendimet e Kuvendit dhe komisionit të Berishës.
Nëse gjyqtari Agron Zhukri konfirmon statutin paralel, Lulzim Basha mund ta ankimojë vendimin e konfirmimit në Gjykatën e Apelit. Një lëvizje e tillë bllokon hyrjen e në fuqi të vendimit deri kur të shprehet Apeli me formë të prerë.
Në progres-raportin e fundit të Komisionit Evropian për Shqipërinë thuhet se për të shqyrtuar një çështje në Apel duhen mesatarisht 5 vite. Vendimi i Apelit është i zbatueshëm, por nëse Apeli rrëzon Berishën, ku i fundit mund t’i drejtohet Gjykatës së Lartë, e cila për të shqyrtuar një çështje kërkon një kohë më shumë se sa 5 vite, për shkak të numrit të madh të dosjeve, rreth 40 mijë. Palët më pas mund t’i drejtohen Gjykatës Kushtetuese dhe Strasburgut.
Gjykata mund të konfirmojë të dy statutet
Nuk përjashtohet mundësia që Gjykata e Tiranës të konfirmojë të dy statutet e PD, statutin zyrtar dhe atë paralel. Kjo për arsyen se ligji për partitë politike parashikon që gjykata ka një rol krejt formal në shqyrtimin e statuteve të partive politike. Sipas ligjit për partitë politike gjykata verifikon nëse ndryshimet në statutin e partisë u përmbahen ose jo parimeve kryesore demokratike. Të dy statutet, si dokumenti zyrtar ashtu edhe statuti paralel, u përmbahen parimeve të përgjithshme demokratike. Ka gjasa që gjykata të kufizohet vetëm tek parimet demokratike dhe jo tek ligjshmëria e procesit që ka prodhuar statutin paralel.
Komente
Dhe une I lexoj me kenaqesi shkrimet e gazetarit Adriatik Doci. Shpresoj te jete e te mbetet I pandikuar ne punen e tij, megjithese e di qe ne Shqiperi eshte mission I pamundur. Sa per Dash Shehi, nuk me duket ndonje qenie intelligente sa here kam rastisur neper debate ne TV. Por dua te ve ne dukje dicka qe gazetari dhe gjithe komentuesit me poshte e kane anashkaluar...si i mori pronat disa milioneshe politikani Shehi kur te gjithe e dime qe njerezit jane bere lesh me pronat keto 30 vite e e vrare e terhequr zvarre neper zrpp, kadastra e gjykata? Sa ka te tjere pronare te ligjshem si puna e tij qe nuk I kane pronat pre j 30 vitesh e kane ngel dyerve te gjykatave e sa raste fallsifikimesh e mbivebdosjesh pa fund? Mendoj se pronat Dashi I mori duke qene ne politike per interesin e tij personal, se leshin si gjithe te tjeret do kishte marre dhe ai...une s'ka ndonje respect per te. Me duket vec nje parazit me shume si gjithe politikanet e tjere, e gjithmone eshte bere deputet me list at e votat e partive te tjera.
PërgjigjuI lutem moderatorit ta fshije kete koment se u be ne shkrimin e gabuar. Sapo e vura te shkrimi I duhur. Faleminderit.
Ik o basha ,,ik se do perfundosh si SOKOL OLLDASHI....
PërgjigjuCecene- shpellare,,,merrni hunj,, drunj,e Leva dhe ne daten 6 janar ju dua aty ne.shqup ,,te RRIHENI ne oborr me njeri--tjetrin per 7 pale qejfe....
PërgjigjuHahaaaaasss sa do kenaqemi…,