Dinamo e zhytur në krizë shpreson të shohë dritë në fund të tunelit të mërkurën kur të përballet me Skënderbeun, për ndeshjen e parë të javës së 15 të Superligës. ‘Nëndetësja’ ka katër ndeshje pa fitore dhe aktualisht ndan vendin e shtatë me Skënderbeun me 14 pikë.
“Jemi me pikë të barbarta, gjë që tregon problematikën tonë, por edhe meritën e kundërshtarit. Patjetër që do jetë një ndeshje e luftuar, e vështirë, por për ne shpëtimi janë vetëm 3 pikët dhe duhet të bëjmë mbi maksimumin për t’ia dalë,”-tha Bledi Shkëmbi, trajner i Dinamos.
“Ne do hyjmë për tre pikët pavarësisht rrethanave, pavarësisht se kemi dy mungesa të sigurta,”-u shpreh Migen Memelli, trajner i Skënderbeut.
Dinamo-Skënderbeu do të luhet në orën 16:45, ndërsa po të mërkurën në program është edhe Laçi-Kastrioti.
Ne.k.//ReportTv.al