Një 62-vjeçar ka rënë në prangat e policisë ditën e sotme në Durrs, i akuzuar për kultivim kanabisi. Bëhet me dije se në pranga ka rënë Prend Çela, i cili kishte përshtatur një banesë të marrë me qira, me aparatura që shërbejnë për kultivimin e bimëve narkotike dhe kishte ndërhyrë në matësin e energjisë elektrike.
Për pasojë janë proceduar penalisht edhe 2 punonjës të OSHEE-së, Edmirand Estrefi 34 vjeç banues në Xhafzotaj dhe Sokol Dalipaj 38 vjeç, banues në Durrës, të akuzuar për "shpërdorim detyre", pasi nuk konstatuan vjedhjen e energjisë elektrike.
Në cilësinë e provës materiale u sekuestruan bimë kanabisi dhe pajisje që shërbenin për kultivimin e tyre.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Komento
