Kukës - Kanë qenë 52 qytetarë që kanë kërkuar ndihmë mjekësore nga ora 00:00 e deri në orën 10:00 të (1 janarit 2024) në urgjencën e spitalit rajonal të Kukësit.
Ndihma mjekësore është dhënë për përsonat që kanë shfaqur probleme shëndetsore si helmimi, konsumimi i tepërt i alkoolit e deri tek rastet e hipertensionit, pohojnë mjekët e kësaj urgjence.
Gjithësesi rastet e mbërritjes në urgjencë janë trajtuar me përparësi e nuk ka patur probleme të rënda shëndetësore.
Fatmirësisht në natën e ndërrimit të viteve në Kukës nuk janë shënuar incidente gjatë plasjes së fishekzjarreve dhe kapsollave, ndonëse në sheshin kryesorë të qytetit të Kukësit nata e ndërrimit të viteve u përcoll me ndezjen e pa kontrolluar të fishekzjarreve e kapsollëve nga vetë qytetarët.
Ndërkohë Kukësi vitin 2024 e ka nisur pa asnje lindje.
