Dy avokate kanë kërkuar që të shpallen jo kushtetuese nene të ligjit të vitit 2020 "Për Regjistrin e Pronarëve Përfitues". Sipas këtij ligji pronarët përfitues të aksioneve dhe aseteve të bizneseve dhe llogarive bankare duhet të jenë publike dhe të aksesueshme nga institucionet.
Aktualisht me hyrjen ne fuqi të këtij ligji QKB e QKR kanë të drejtën e gjobitjes të atyre që refuzojnë këto deklarime për të fshehur përfituesit real të aksioneve e bizneseve offshore.
Kërkesa është depozituar në Gjykata Kushtetuese nga avokatët Elis Bilali dhe Graciela Paja.
Ky ligj rregullon përkufizimin e pronarit përfitues, subjektet e detyruara, të cilat duhet të regjistrojnë pronarët përfitues, krijimin, funksionimin dhe administrimin e Regjistrit të Pronarëve Përfitues, procedurën dhe mënyrën e regjistrimit e të mbajtjes së të dhënave të regjistruara të pronarëve përfitues, si dhe masat ndëshkuese në rast të mosregjistrimit të pronarëve përfitues.
Faqja e parë e kërkesës e depozituar në Gjykatën Kushtetuese
