Basketbollistja franceze Diaba Konaté është mbrojtësja më e mirë në kampionatin universitar në SHBA. Por ajo nuk mund të luajë në vendin e saj, as me kombëtaren në Lojërat Olimpike, për shkak të shamisë që mban në kokë.
Diaba Konaté u zgjodh mbrojtësja më e mirë e sezonit të kaluar në basketbollin universitar në konferencën Big Ëest në Shtetet e Bashkuara të Amerikës. Në vitin e saj të fundit në Universitein e Kalifornisë, ajo pati mesatarisht 7.5 pikë, 2.4 topa të zotëruar në tabelë dhe 3.7 asist për ndeshje.
Konaté, e lindur dhe rritur në Paris, ka përqindje të lartë shënimi me gjuajtjet e lira dhe është e aftë të fitojë shumë topa. E vetmja gjë që nuk mundet të bëjë është të luajë basketboll në vendin e saj, përfshirë edhe pjesëmarrjen me kombëtaren franceze në Lojërat Olimpike të Parisit.
E gjitha kjo për shkak se mban shami në kokë. Federata Ndërkombëtare e Basketbollit më 2017 rrëzoi ndalimin global të shamive që përdorin një pjesë e sportisteve myslimane. Por Federata Franceze e Basketbollit nuk ndoqi të njëjtën linjë, duke zgjedhur të aplikonte ligjet e vendit për sekularizmin, të cilat ndalojnë mbajtjen e simboleve apo veshjeve që shprehin përkatësi fetare në shkollat publike dhe institucione të tjera të lidhura me shtetin.
Sportiste si Konate thonë se kjo ka pasur efekt negativ në karrierën e tyre në basketboll. Aktivistët thonë se ndalimi i shamisë në Francë nuk është thjesht diskriminues. Ai u ndalon grave dhe vajzave myslimane pjesëmarrjen në sporte, për argëtim apo profesion dhe ky përjashtim mund të ndikojë negativisht në jetën e tyre, përfshirë shëndetin mendor dhe fizik.
S.DH/ReportTv.alKomente
![](https://www.report-tv.al/template/img/antipiracynote.jpg)
Shamia lejohet, burka qe mbulon fytyren nuk lejohet.
PërgjigjuMire jua bejne or teeeejjjjj
Përgjigju