Një i ri nga Libani, i cili dyshohet se ishte pjesë e organizatës së Shtetit Islamik (ISIS), është arrestuar në Berlin, pasi dyshohet se kishte planifikuar një sulm ndaj ambasadës izraelite.
“Ai thuhet se ka planifikuar një sulm ndaj ambasadës izraelite në Berlin”, tha një zëdhënës i zyrës së prokurorisë federale gjermane.
Gazeta Bild raportoi se policia bastisi një apartament në Bernau, në veri të Berlinit, dhe arrestoi 28-vjeçarin.
“Ekziston dyshimi se ai kishte planifikuar një sulm ndaj ambasadës izraelite në Berlin”, tha një zëdhënës i zyrës së prokurorit, duke shtuar se i dyshuari gjithashtu mendohet të jetë i lidhur me grupin Shteti Islamik.
I riu u identifikua si Omar A. dhe do të dalë para gjykatës ditën e sotme. Ambasadori i Izraelit në Berlin, Ron Prosor, falënderoi autoritetet gjermane për "sigurimin e sigurisë së ambasadës".
Izraeli goditi të shtunën objektet e armëve të Hezbollahut në Bejrutin jugor, pasi grupi i armatosur libanez hodhi raketa në veri të Izraelit dhe një zëdhënës tha se një dron goditi rezidencën Benjamin Netanyahut.
73 persona kanë mbetur të vrarë në qytetin verior të Gazës, Beit Lahia, raporton Hamasi, ndërsa dhjetëra persona të tjerë janë plagosur dhe mbetur të bllokuar si pasojë e sulmeve izraelite mbrëmjen e së shtunës.
Vetë Izraeli raporton se forcat e tyre ajrore kanë sulmuar “rreth 175 objektiva terroristë” në Gaza dhe Liban, pasi luftimet po vijojnë edhe aty.
Nga ana tjetër Izraeli mund të kërkojë lirimin e rreth 100 pengjeve që mbahen të burgosur prej 379 ditësh, në këmbim të trupit të Jahja Sinëar, liderit të Hamasit që forcat e mbrojtjes vranë 3 ditë më parë. Jahja Sinuar ishte organizatori dhe mbështetësi i masakrës së 7 tetorit drejt Izraelit.
