Gjatë tre muajve të parë të vitit 2024, mbi 1,7 milionë turistë të huaj kanë vizituar Shqipërinë ose 59 % më shumë krahasuar me të njëjtën periudhë të vitit 2023, thuhet në një postim të ministres së Turizmit dhe Mjedisit, Mirela Kumbaro.
Në muajin mars fluksi u numëruan gati 735 mijë vizitorësh të huaj ose 91% më shumë krahasuar me marsin e vitit të shkuar.
"Mbi 1,7 milionë turistë të huaj na kanë vizituar gjatë 3 muajve të parë të 2024-ës. 734 mijë vizitorë të huaj erdhën në Shqipëri gjatë muajit Mars i cili sapo shenjoi një standard të ri në shifra e duhet t'i përgjigjemi me të njëjtin standard në mikpritje", njoftoi ministrja Kumbaro.
Tani sfidë nuk janë numrat, por garantimi i standardeve, cilësisë dhe turizmi elitar, nënvizoi dje ministrja Kumbaro në panairin Ndërkombëtar të Turizmit.
Edhe kryeministri Rama përmes një postimi tha se këtyre shifrave duhet t'i përgjigjemi me standarde gjithnjë e më të larta mikpritjeje, duke bashkuar forcat për shërbime publike e private të nivelit më të mirë.
Javën e ardhshme pritet që të jetë takimi i 70-të i Komisionit për Evropën të Organizatës Botërore të Turizmit dhe Konferenca e Investimeve gjatë së cilës do të prezantohet udhëzuesi “Tourism Doing Business: Investing in Albania".
Kjo është hera e parë që Shqipëria pret zyrtarisht një event të Organizatës Botërore të Turizmit.
Kryeminstri Edi Rama ka reaguar në lidhje me shifrat e 1.7 milionë turistëve që kanë vizituar Shqipërinë tre-mujorin e parë të vitit 2024.
Vetëm në muajin mars vizituan Shqipërinë 734 mijë turistë të huaj.
Rama shkruan se tashmë duhet të bashkojmë forcat për shërbime publike e private të nivelit më të mirë.
Komente
Po hë pra,mos jepni licencat për qofte ordinere e pula brasili të ngordhura,si te Pazari i ri??!!Turp ,duhet kontroll,edhe Hapësira model që të plotësojnë kushtet Higjienike e Sanitarie,e mbi të gjitha Gastronomi e menù Autoktone...e shërbim në lartësinë e duhur!
PërgjigjuThojini bizneseve tu bejne ndonje klas edukate punetoreve se te sherbejne sikur u ke lek borxh
PërgjigjuThjesht nje propagande me numra
PërgjigjuKur fillon habitesh me suksesin e arritur, ose je mashtruar ose ke arritur majën nga ku fillon rënia.
Përgjigju