Presidenti Ilir Meta ditën e sotme ka vizituar Akademinë e Studimeve Albanologjike, nga ku edhe ka shpërndarë fotografi.
Në një postim në rrjetin e tij social Facebook, ai është shprehur se të shohësh nga afër kryeveprat dhe dëshmitë të civilizimit të hershëm evropian të kombit shqiptar autokton, është vërtet një ndjesi e papërshkrueshme krenarie dhe emocionesh.
Presidenti tregoi se gjatë vizitës së tij ka zhvilluar një bisedë edhe me Profesor Luan Përzhitën, ndërsa shtoi se Akademia e Studimeve Albanologjike, e cila ka një rol të madh për forcimin e identitetit tonë kombëtar, meriton të fuqizohet dhe të mbështetet më shumë.
Komento
