Presidenti Ilir Meta ka zhvilluar një takim me ambasadorin e Norvegjisë, Jens Erik Grondahl ku janë vlerësuar marrëdhëniet e mira mes dy vendeve. Meta ka vlerësuar mbështetjen e Norvegjisë për integrimin e Shqipërisë dhe marrëdhëniet e mira mes dy vendeve. Kreu i shtetit kërkoi forcimin e bashkëpunimit në disa fusha si bujqësi , turizëm, ekonomi dhe arsim.
"Një takim i ngrohtë pune me Ambasadorin e Norvegjisë, Sh.T.Z. Jens Erik Grondahl. Vlerësova mbështetjen e vazhdueshme të Norvegjisë në proceset e integrimit euroatlantik të Shqipërisë dhe politikën e saj inkurajuese ndaj afrimit të Ballkanit Perëndimor në Bashkimin Europian. Marrëdhëniet shumë të mira mes dy vendeve në planin politik, veçanërisht konkretizimi i tyre i suksesshëm në planin ekonomik, mbeten model dhe nxitje për të shtuar përpjekjet tona në shfrytëzimin e mundësive dypalëshe edhe në fusha të tjera, si bujqësi, turizëm, infrastrukturë, tregti dhe arsim", shkruan Meta.
