Këshilli i Ministrave ka miratuar këtë të mërkurë përdorimin e një fondi në masën e 316.9 milionë lekësh për financimin e rikonstruksionit të banesave individuale dhe pallateve, të dëmtuara nga tërmeti i 26 nëntorit, për ata individë të cilët përfitojnë nga grantet e rikonstruksionit.
Këto objekte që do të rikonstruktohen nuk janë dëmtuar rëndë për tu ndërtuar nga e para.
Buxheti është miratuar për bashkitë Mirditë, Vorë dhe Rrogozhinë. Konkretisht bashkia Mirditë do të ketë në dispozicion fondin prej 29 milionë e 820 mijë lekësh.
Bashkisë së Vorës do ti transferohet fondi prej 176 milionë e 250 mijë lekësh, si dhe Bashkisë Rrogozhinë 110 milionë e 900 mijë lekë.
Komento
