Për herë të parë "Miss Gjermania" është shpallur një grua në moshën 35-vjeçare.
Leonie von Hase ishte konkurrentja më e madhe në garën mes vajzave.
Për herë të parë në historinë e konkursit të bukurisë, nuk ka patur një sfilatë me bikini dhe juria ishte e përfaqësuar vetëm me femra.
Leonie, që ishte Miss Schleswig-Holstein, ka marrë kurorën e më të bukurës duke lënë pas 22-vjeçaren Miss Bavaria dhe 23-vjeçaren Miss Hamburgu.
"Gratë nuk kanë qenë të interesuara të përpiqen për një standard konvencional të bukurisë për një kohë të gjatë.
Perceptimi im për një grua ‘të bukur’ është forca, karakteri dhe origjinaliteti që ajo rrezaton", tha von Hase në faqen e Miss Gjermania.
Konkursi nuk kufizoi moshën e pjesëmarrëseve, duke lejuar që të merrnin pjesë edhe nëna.
Leonie është nëna e një djali të vogël, të cilin po e rrit e vetme.
