Musaka me patëllxhanë dhe kunguj
Përbërësit:
- 2 fç djathë i grirë
- 4 fç qumësht
- 1 fç kos
- 2 domate
- 450 gr bukë pa kore ose bukë tosti
- Vaj ulliri
- Kripë, piper
Salca e kimës:
- 700 gr mish i grirë
- 2 qepë të thata
- 2 thelpinj hudhër
- 1 karrotë
- 1 lgj salcë e koncentruar
- 3 domate të pjekura
- 2 patëllxhanë
- 2 kunguj
- Gjethe dafine
- Kripë, piper
- Kanellë shkop
Përgatitja:
Kaurdisim mishin e grirë në yndyrë shtojmë më pas qepët e grira me pak kripë. E mbyllim me kapak derisa qepët të zbuten dhe më pas shtojmë karrotën e grirë në rende. E përziejmë duke i shtuar kripë dhe hudhër. E lëmë mbi 10 minuta. Shtojmë salcën e domates dhe pelten e domates me kripën dhe erëzat. Ndërkohë në një tigan tjetër skuqim kungujt, i largojmë më pas dhe shtojmë patëllxhanët me pak kripë derisa të rreshken. Perimet e skuqura i bashkojmë me kimën. Fillojmë shtrojmë musakanë në tavë, fillimisht vendosim një shtresë me fetat e bukës, kalojmë një shtresë me kimë, domatet e prera në disqe, sërish bukë, një shtresë me kimë, domatet dhe në fund salcën e bardhë me kosin e përzierë me vezë, qumësht, kripë dhe arrë moskat. E vendosim tavën në furrë të parangrohur në 200 gradë Celsius për 35 minuta.
