Presidenti i vendit Bajram Begaj ka shprehur një mesazh ngushëllimi për ndarjen nga jeta të gazetares Vera Zheji, zëri ikonik i Radio Tiranës.
Vera Zheji, ka ndërruar jetë ditën e djeshme (17 gusht), në moshën 91-vjeçare.
Përmes një postimi ditën e sotme në rrjetet sociale, Begaj e ka cilësuar gazetaren si ‘zonjë e madhe’ e mikrofonit dhe e skenës.
“Një grua që pothuajse është e vështirë që të ketë të ngjashme në cilësinë e gazetares, spikeres dhe gruas me mendje të lirë. Spikere, gazetare, aktore dhe pedagoge e Fjalës Artistike në Institutin e Lartë të Arteve, Vera Zheji do të kujtohet me nderim si “zonja e madhe” e mikrofonit dhe skenës”, shkruan Begaj.
Komento
