KOSOVË- Presidenti i Kosovës, Hashim Thaçi uroi sot shkrimtarin Ismail Kadare me rastin e marrjes së titullit “Oficer i Madh i Legjionit të Nderit” nga Presidenti i Francës, Emmanuel Macron.
Për Thaçin, ky është një vlerësim i lartë ndërkombëtar për krijimtarinë e jashtëzakonshme, për Kadarenë, ose siç njihet gjeniu i letrave shqipe.
"Nderimi i shkrimtarit tonë të shquar Ismail Kadare me titullin e lartë shtetëror “Oficer i Madh i Legjionit të Nderit” nga Presidenti francez Emmanuel Macron është vlerësim i lartë ndërkombëtar për krijimtarinë e jashtëzakonshme të gjeniut të letrave shqipe, që me vite është pretendent për Çmimin Nobel për letërsi. Shkrimtarit Ismail Kadare, që me dinjitet e përfaqëson letërsinë shqipe në rang botëror, i shprehim urimet më të sinqerta, ndërsa Presidentit Macron falënderim dhe konsideratë të veçantë", shkruan Thaçi.
Postimi i plotë i presidentit Hashim Thaçi
