Në kushtet kur 1/3 e popullsisë sipas institucioneve ndërkombëtare jeton me më pak se 5.5 dollarë dita, mbështetje për ata mbeten emigrantët, të cilët edhe pse pandemi nuk i kanë ndalur dërgesat e tyre.
Nga janari deri në fund të shtatorit emigrantët kanë sjellë në vend 541 milionë euro, që është vlera më e lartë krahasuar me 9 mujorët e tjerë që prej vitit 2009.
Nëse në nëntëmujorin e vitit të kaluar remitancat ishin në vlerën e 470 milionë eurove, këtë vit dërgesat janë rritur me 71 milionë euro.
Kjo rritje e dërgesave valutore nuk lidhet vetëm me rikuperimin e aktivitetit ekonomik nëpër shtetet e Evropës por edhe me përdorimin e kanaleve formale për të dërguar paratë, pra nëpërmjet transfertave.
Praktikisht kufizimet e shteteve nxitën emigrantët si sjellin paratë në rrugë zyrtare më së shumti gjatë vitit të kaluar, ndërkohë që këtë vit Banka e Shqipërisë thotë se po përdoren më pak kanalet bankare dhe jo bankat.
“Është vërejtur një rënie e lehtë e përdorimit të kanaleve formale (sistem bankar dhe operatorë të sistemit të transferimit të parave), si pasojë e lëvizjeve të emigrantëve dhe rrjedhimisht rritjes së prurjeve në cash”, thuhet në raportin e Bankës së Shqipërisë.
Nga ana tjetër ndikim në rritjen e remitancave ka edhe shtimi i numrit të emigrantëve, ndërsa paratë për familjet në Shqipëri vijnë më shumë nga Italia apo Greqia ku ka edhe më shumë shtetas shqiptar.
TË ARDHURAT E EMIGRANTËVE
Janar-Shtator 2021 541 mln euro
Viti 2020 673 mln euro/470 mln euro
Viti 2019 702 mln euro / 520 mln euro
2018 501
2017 464
2016 450
2015 444
2014 421
2013 405
2012 480
2011 481
2010 524
2009 555
2008 620
SI.E.//ReportTv.al
Ketu tek llogaritja e remitancave, kane futur dhe leket qe vijne nga droga?
Përgjigju