Foto: Jonas Gahr Store
Norvegjia është zotuar se do t'i japë Ukrainës 1.1 miliardë korona (103 milionë dollarë) për ta ndihmuar atë të riparojë infrastrukturën e saj energjetike dhe të sigurojë furnizimin me energji elektrike të vendit përpara dimrit të ardhshëm.
“Rusia po kryen sulme masive dhe sistematike për të paralizuar rrjetin elektrik, por ukrainasit po punojnë ditë e natë për të ruajtur furnizimin thelbësor të popullsisë me energji elektrike”, tha kryeministri norvegjez Jonas Gahr Store, në një deklaratë për shtyp.
Sipas vlerësimeve të fundit nga qeveria ukrainase, bombardimet ruse të infrastrukturës energjetike të vendit kanë përgjysmuar prodhimin e energjisë elektrike në vend që nga dimri i kaluar.
"Ne jemi duke diskutuar intensivisht me Ukrainën se si t'i përdorim këto fonde në mënyrën më efektive. Vetë ukrainasit janë në pozitën më të mirë për të ditur se çfarë nevojitet," shtoi Store, duke nënvizuar se është e rëndësishme të fillohet riparimi i infrastrukturës përpara mbërritjes së dimrit.
Lajmi kryesor:
Lufta në Ukrainë/ Konferenca e Paqes në Zvicër, deklarata përfundimtare: Respektoni integritetin e Ukrainës
Xh.K/ReportTv.al