Tek të kuqtë nuk e gjen demoralizimin.
“Çdo ndeshje futemi për fitore dhe e mbajmë kundërshtarin lart, si në presing ashtu edhe në posedim të topit. Në shumicën e ndeshjeve kemi patur shumë raste për shënim mirëpo na ka munguar finalizimi që është diçka e cila na shqetëson edhe ne, por besojmë do e përmirësojmë në ndeshjen e ardhshme,”-shprehet Rron Broja.
Në gjashtë ndeshjet e fundit Partizani ka marrë vetëm një fitore, ndërsa duket se është familjarizuar me barazimet që po nuk po i çojnë drejt objektivit për të kapur kreun. Mesfushori i Partizanit, 24-vjeçari nga Mitrovica, Rron Broja sheh fitore edhe me Bylysin, të dielën në Air Albania.
“Bylis merion respekt maksimal, është kundërshtar shumë i vështirë. Gjithsesi objektivi jonë është vetëm 3 pikëshi, sepse në këtë mënyrë mbesim në garë për titull,”-deklaron ai.
Me gjithë dështimet, të kuqtë shpresojnë të mbledhin forcat në fazën e katërt për të mos zhgënjyer tifozët për pretendimet e titullit.
“Puna e gjithë vitit duhet tani të shihet dhe do japim maksimumin që në këtë 10 ndeshjet e fundit të marrim rezultate pozitive që të arrijmë te tituli kampion,”-shprehet Broja.
Ne.k.//ReportTv.al