Osobuko me salcë dhe perime
Përbërësit:
4 racione këmbë viçi (ossobuko)
1 qepë
2 thelpinj hudhra
1/4 e preshit
1 fetë rrënjë selinoje
2 karrota mesatare
1 patate mesatare
4 domate (të pjekura)
1 gotë pure domate
2 gota ujë
Vaj ulliri
1 lugë gjelle gjalp
1 gotë verë
3 lugë gjelle miell
Kripë dhe piper i zi
Përgatitja:
Në një tenxhere vendosim 2 lugë gjelle vaj, 1 lugë gjelle gjalp. Kaurdisim qepën të prerë në kubikë, preshin në unaza të holla, hudhrën të grirë imët, I përziejmë mirë për 3 minuta dhe vazhdojmë të shtojmë rrënjën e selinosë, karrotat, patatet në kubikë të vegjël, I kaurdisim të gjitha perimet së bashku për 5 minuta dhe më pas shtojmë patatet pa lëkurë në kubikë. I përziejmë së bashku duke shtuar dhe purenë e domates, e lëmë trq marrë veten dhe shtojmë dy gota ujë, kripë dhe e lëmë të ziejë mbuluar me kapak.
Ndërkohë marinojmë copat e mishit me kripë dhe piper të zi dhe I pudrosim mirë me miell nga të dyja anët.
Ngrohim vajin, plus një thelpi hudhër, skuqim copat e mishit derisa të zërë kore të artë, I shuajmë me verë të bardhë dhe I lëmë pa kapak derisa vera të avullojë.
Në një tepsi shtojmë ½ e salcës me perime vendosim copat e mishit mbi salcë dhe salcën e mbetur e përziejmë me yndyrën që skuqëm mishin dhe ja vendosim sipër.
Mbulojmë tepsinë me kapak dhe e vendosim në furrë në temperaturë 17- gradë Celsius, për 50 min-1 orë.
Këtë mish me salcë dhe perime e servirim me oriz, makarona ose polentë.
