Një përplasje organizative po ndodh sërish në strukturat e Partinë Demokratike, këtë herë me organizimin e zgjedhjeve për Forumin Rinor. Vetëm pak ditë pasi kryetari Lulzim Basha njoftoi hapjen e garës për zgjedhjet në FRPD, edhe ish-kreu i të rinjve në PD-së, Belind Këlliçi njofton se po përgatit zgjedhjet e kryetarit të ri në këtë forum. Pas dorëheqjes nga FRPD, megjithëse mandati kishte dy vite që i kishte përfunduar, Belind Këlliçi ka publikuar një vendim të kryesisë së të rinjëve për organizimin e zgjedhjeve në organet drejtuese te FRPD-së.
FRPD ka hapur procesin e anëtarësimeve të reja për periudhën 15 nëntor deri në 20 shkurt të 2022. Kryesia po ashtu ka vendosur që të përpilohet një listë fjale e anëtarësisë së FRPD me të drejtë vote, jo më parë se 30 ditë nga mbyllja e procesit të anëtarësimeve. Një tjetër vendim i kryesisë më pas është hartimin e kalendarit zgjedhor për zgjedhjen e kryetarit të ri të FRPD-së, në nivel dege dhe qendror, jo më vonë se data 30 mars.
Këlliçi thotë se kjo procedurë është ndjekur kur ai u zgjodh disa vite më parë në 2015 në krye të FRPD-së dhe se ka gjetur dosjen e plotë të aplikimit të tij e të firmosur nga Gerti Bogdani, i cili sipas tij është autoriteti i vetëm që çel zgjedhjet është titullari.
‘Ka nisur riorganizimi i të gjitha strukturave të forumit në të gjitha qytetet e vendit. Jemi përballur me policinë e Edi Ramës dhe kemi bërë shumë sakrifica, sot si forumi më i madh kemi vendosur çeljen e procesit zgjedhor, unë do të qëndroj deri në datën e Kuvendit të forumit rinor të PD. Vendimi është marrë sot me të njëjtën procedurë, dhe ju njoftoj se në 2015 kam gjetur dosjen e plotë të aplikimit tim i firmosur nga Gerti Bogdani, pra autoriteti I vetëm që cel zgjedhjet është titullari. Po ia lë në mirëbesim të gjithë autoritetit, sekretarit të kryesisë që të menaxhojë procesin zgjedhor. Kryesia në mënyrë unanime vendosi hapjen e procesit zgjedhor dhe atë të anëtarësimeve. 15 nëntor deri ne 20 gusht, mbyllen anëtarësimet e reja me të drejtë vote. Do ta cojmë këtë proces përpara. Ftoj të rinjtë të bëhen pjesë e forumit rinor. Kemi mundësinë ta ccojmë përpara.’- tha Bogdani.
Lulzim Basha njoftoi më 5 nëntor hapjen e garës për rioganizimin dhe zgjedhjet në FRPD, ku theksohet kryetari zgjidhet sipas parimit 1 anëtar, 1 votë. Basha udhëzoi nisjen e procesit të rifreskimit të strukturave dhe ngritjen e një grupi pune që do të mbikëqyrë procesin. Sipas tij, mandati i shumicës dërrmuese të drejtuesve të FRPD-së ka mbaruar dhe një pjesë e drejtuesve kanë tejkaluar moshën, për pasojë FRPD-ja duhet të shkojë në zgjedhje. Në krye të grupit të punës është vendosur një nga të "besuarat" e Lulzim Bashës, Oriela Nebiaj, e cila u kandidua nga Basha edhe si deputete në qarkun e Tiranës.
Zgjedhjet për kryetar të FRPD-së janë mbajtur për herë të fundit në dhjetor 2015 dhe mandati i kryetarit dhe forumeve drejtuese kishte përfunduar dy vite më parë. Këlliçi tha se kjo është një tentativë e tij për të uzurpuar FRPD-në, por kishin rënë dakord që zgjedhjet për pasuesin e tij, t'i bënin në një moment të dytë, kur situata brenda PD-së, të ishte më e qetë, referuar përplasjeve Basha-Berisha.
M.Q./ReportTv.al