Patate me mish të grirë në furrë
Përbërësit:
800 gr-1 kg patate ( të zjera)
500 gr mish të grirë
2 lugë gjelle vaj ulliri
kripë dhe piper të zi
1 lugë çaji piper të kuq
1 lugë kafe kumin
1 qepë mesatare
2 domate
1/2 tufë majdanoz
Beshamel
50 gr gjalp
40 gr miell
250 ml qumësht
250 ml lëng mishi ose pule
100 gr djath i verdhë që shkrin
Përgatitja:
Fillimisht ziejmë patatet për 20-25 minuta I qërojmë ato dhe I presim në kubikë me brinjë 1 cm dhe I shtojmë si bazë në një tepsi të lyer me vaj 22x 22 cm. Në një tigan të thellë me 2 lugë gjelle vaj kaurdisim mishin e grirë deri sa të ndryshojë ngjyrë I japim shije me kripë, piper të zi, piper të kuq, kumin i përziejmë dhe shtojmë në të 1 qepë të prerë në kubikë të vegjël I I përziejmë sëbashku deri sa qepa të fillojë të zbutet, shtojmë domaten në kubikë, mjadanozin e grirë I përziejmë për 2-3 minuta dhe menjëherë shtrojmë kimën mbi patate në tepsi e nivelojmë mirë.
Beshameli
Në një tigan salce shkrijmë gjalpin dhe shtojmë në të 2 lugë gjelle miell rreth 40 gr e kaurdisim deri sa mielli fillon të ziejë në gjalp dhe e shuajmë fillimin me qumësht e më pas shtojmë lëng mishi ose pule vazhdojmë përzierjen me tel evzësh deri sa fillon të valojë, kripë, piper, arrëmoskat dhe në fund fikim zjarrin shtojmë dhe djathin të grirë në rende e përziejmë sa djathi të shkrijë dhe mbulojmë komplet sipërfaqen e kimës në tepsi, vendosim tavën në furrë në temperaturë 180 gradë Celsius për 25-30 minuta.
D.M./ReportTv.al