Një aksident rrugor me dy të plagosur është shënuar këtë pasdite në rrugën e Arbrit në aksi Bulqizë-Qafa e Buallit.
Një prej makina është kthyer përmbys nga përplasja ndërsa raportohet se të plagosur janë dy shoferët.
Aksidenti është pikasur nga drejtuesit e makinave që kanë lëvizur në këtë aks të cilët kanë lajmëruar ambulancën për t'i dërguar më pas në spitalin e Bulqizës.
"Rreth orës 16.30, në aksin rrugor Bulqizë-Qafa e Buallit, janë përfshirë në një aksident rrugor automjeti tip "Audi", me drejtues shtetasin M.S., me automjetin tip "Skoda", me drejtues shtetasin B.Q. Si pasojë e përplasjes së dy automjeteve kanë mbetur të lënduar dy drejtuesit e mjeteve, të cilët po marrin ndihmë mjekësore në spital", njofton policia.
Grupi hetimor po punon për zbardhjen e dinamikës së aksidentit.
