Plotësimi i Gjykatës së Lartë rrezikon vërtetë bllokimin e punës së Gjykatës së Posaçme kundër Korrupsionit dhe Krimit të Organizuar (GJKKO). Duke qenë se aktualisht GJKKO ka vetëm 8 gjyqtarë nga 16 që duhet të ketë, dhe nga këto 8 anëtarët 2 janë kandidatë për në Gjykatën e Lartë.
Sandër Simoni dhe Klodian Kurushi pritet të dekretohen si gjyqtarë të lartë dhe pas kësaj në GJKKO do të mbeten vetëm 6 gra.
Ato janë Irena Gjoka, Etleva Deda, Daniela Shkira, Miliana Muça, Flora Haradinaj dhe Ilirjana Olldashi.
Që nga krijimi i Gjykatës së Krimeve të Krimeve të Rënda, e cila u pasua nga GJKKO, është hera e parë që kjo gjykatë do të jetë e përbërë vetëm nga gratë. Të gjithë gjyqtarët meshkuj u tërhoqën ose u shkarkuan nga Vetting.
Kujtojmë se Këshilli i Lartë Gjyqësor i ka dërguar dje Presidentit të vendit, Ilir Meta, propozimet për emërimet në Gjykatën e Lartë. Pas shqyrtimit të dokumentacionit të administruar, është realizuar renditja e kandidatëve për secilin pozicion të lirë në fushën e të drejtës penale, sipas së cilës Këshilli vendosi t’i propozojë Presidentit të Republikës emërimin e katër kandidatëve Sokol Binaj, Albana Boksi, Sandër Simoni dhe Klodian Kurushi. Brenda afatit të kandidimit kandiduan gjithsej tetë kandidatë.
