VLORË- Një situatë e pazakontë është regjistruar pasditen e kësaj të shtune në qytetin e Vlorës, ku një makinë tip 'Golf 6' nuk i ka ndalur postobllokut të policisë dhe në ikje e sipër ka pësuar aksident. Burime bëjnë me dije se shoferi i mjetit tip 'Golf' pasi ka marrë ndihmën mjekësore është arrestuar.
Gazetari i Report Tv, Armand Xhelili mëson se makina ka përplasur gjatë tentativës për t’u larguar dhe një mjet tjetër e më pas disa metra më tutje është përmbysur në rrugë.
Përveç shoferit që nuk i ndaloi policisë, i plagosur ka mbetur edhe një person tjetër, i cili është në gjende të rëndë.
Nuk dihen ende shkaqet e kësaj ngjarjeje dhe identiteti i shoferit, teksa priten të mësohen më shumë detaje në vijim.
B.K.//ReportTv.al
Komento
