TEPELENË-Një turist gjerman ka rënë në një humnerë në fshatin Salari të Tepelenës teksa ishte duke ushtruar sporte malore me një motoçikletë. 57-vjeçari O. L., banues në Gjermani, ishte duke ngjitur një shteg mali për të ngjitur majën e tij, por ka humbur kontrollin e motoçikletës dhe ka rënë në humnerë.
Ambulanca ka bërë të mundur nxjerrjen e turistit nga humnera, i cili ka marrë dëmtime në këmbë. Ai është dërguar në spitalin e Tepelenës për marrjen e trajtimit të nevojshëm.
Ditën e djeshme në Armen të Selenicës një turist anglez që ecte me motor u aksidentua dhe ndërroi jetë. 49-vjeçari ka qenë duke zhvilluar hiking me motoçikleta buzë lumit Shushicë, por ka humbur kontrollin dhe është rrëzuar duke humbur jetën.
Komento
