I dënuari me burgim të përjetshëm, Dritan Kateshi, është rimarrë sërish i pandehur nga prokuroria e Elbasanit, por këtë rradhë shkak është bërë futja dhe mbajtja në qeli të një aparati telefonik. Kateshi vuan dënimin në burgun e sigurisë së Lartë në Peqin, dhe gjatë një kontrolli të befasishëm në qelinë e tij, policia e Burgjeve i ka gjetur një aparat telefonik.
Nisur nga kjo situatë, Dritan Kateshi, është marrë i pandehur dhe dërguar në gjykatë për akuzën e “Futjes dhe mbajtjes së sendeve të paligjshme në ambjentet e burgut”.
Ndërkohë në vitin 2018, Dritan Kateshi, është dënuar me 1 vit burgim nga gjykata e Tiranës, për mbajtjen e telefonit brenda në burg. Kateshi rezulton i dënuar me burgim të përjetshëm për vrasjen e Erjon Deraj, Gëzim Myftari dhe vrasjes së mbetur në tentative ndaj pjesëtarëve të familjes Kuçi, në Elbasan.
Komente
Nuk eshte Tan Kaleshi qe ka dalur jashte per ti marre celularet por jane sekseret dhe bashpuntoret e ketyre kriminelve policet qe marrin para per çdo celular qe futet neper burgje,gjygji ti bohe t policeve bandite jo Tanit.
Përgjigju