Ilir Meta është ndoshta Presidenti i vetëm në historinë e vendit, që e ka bjerrë aq shumë në vlera institucionin dhe figurën e kreut të shtetit. Presidenti që sot është kthyer në zëdhënësin e LSI-së, me deklarata banale politike, po provon se ai nuk mundet, dhe nuk do t’i largohet, tundimit për të qënë besnik ndaj bashkëshortes së tij, as kur vjen puna për të mirën e popullit shqiptar.
Shenjat e para të kësaj besnikërie bashkëshortore brenda zyrave të shtetit, i pamë para 30 Qershorit kur ndërsa mazhoranca bënte ftesa për dialog, Ilir Meta deklarohej hapur, njëanshëm, në krah të veprimeve të dhunshme të opozitës. Ky konflikt interesi u shfaq edhe më harbutërisht dhe paturpësisht, në momentin kur Meta çdekretoi datën e zgjedhjeve të vendosur nga po ai vetë, vetëm sepse bashkëshortja e tij nuk mori pjesë në zgjedhje dhe duke u përpjekur të prodhojë një konflikt institucional artificial.
Tanimë, pasi ka shkelur kushtetutën me të dyja këmbët dhe është në proces shkarkimi, Ilir Meta po dëshmon se për interesin e gruas së vet, mund të dalë jashtë kornizës së presidentit si figurë e unitetit, të bëhet një aktor i rëndomtë opozitar, dhe ta kthejë institucionin e kreut të shtetit, në një foltore-llogore të Monika Kryemadhit, ku nuk kursen askënd, as mazhorancën, as ambasadën e Shteteve të Bashkuara.
Deklaratat e pamatura dhe postimet e fundit të Presidentit, sulmet ndaj mazhorancës, janë një shfaqje vulgare, e një politike provinciale, që Monika Kryemadhi e bën rrugëve, ndërsa Meta nga kolltuku i presidencës. Shqipërisë, nuk i ka hije një palaço i tillë, që pasi shkeli kushtetutën, njollos edhe simbolikën e kreut të shtetit.
Njeriu që përdori zyrën e presidencës për të caktuar një datë ekskluzive zgjedhjesh, 13 Tetorin, vetëm e vetëm sepse ajo dhe aleati i saj nuk do të merrnin pjesë në zgjedhje, ka shkuar një shkallë më lartë: Ai po na provon se për hir të gruas, është gati ta turpërojë Shqipërinë në sytë e botës, si një shtet që nuk di të bëjë zgjedhje, nuk merr vesh nga demokracia e ligji. Ilir Meta, si burri i Monikës dhe kryetari në hije i LSI-së, kërkon të shpikë sot çdo lloj forme e mjeti, për ta bërë Shqipërinë lëmsh, për hir të gruas dhe faktit që ajo është tashmë jashtë sistemit politik.
Nëse Ilir Meta, do të shqetësohej realisht për standardet e demokracisë në vend, nuk do të lejonte që krizën e ngjizur në shtratin e tij bashkëshortor, ta eksportonte në presidencë. Ilir Meta me sa duket, nuk do ta përqafojë një standard të tillë, të ndarjes së shtratit bashkëshortor nga zyra e presidencës, duke provuar se ai dhe gruaja e tij, duan me cdo kusht të trazojnë Shqipërinë, për të qënë të qetë vetë. Për të qënë të qetë nga drejtësia që po i thërret, nga llogaritë që do duhet të japin së shpejti.
Komente
Preident Bandit me kollaro qe ka per grua nje te cmendur.Breket e Monikes nuk mund dhe s'do te mudnen kurre te marrin zvarre 3 milion shqiptre dhe nje vend te tere.Heret ose vone kete shtrige rrugace duhet e do te dale dikush qe ti tregoje vendin dhe qe te dy burre e grua do japin llogari para popullit e perpara gjykatave shqiptare per te gjitha zullumet e tyre 30 vjecare.Breket e Monikes dhe zullumet e saj do varen ne tel si flamur e do behen barsoleta nga ky popull!Floririn e tyre ky popull do e marre dhe do e coje ne thesarin e shtetit e do e perdore per mireqenien e pergjitheshme,sepse nga gjaku i tij e kane grabitur,pa derdhur as nje pike djerse,por duke perdorur vetem pushtetit e tyre dhe djallezite e tyre te panumerta.
Përgjigju