Ç'të bëjmë?
Të rregullohen kushtet në konvikte? Po sa për qind e studentëve gjejnë një vend në konvikt, a e dini? Sa është qeraja e dhomës, a e dini?
Të ulen përgjysmë tarifat? Kjo do t'i degradonte kushtet e studimeve dhe cilësinë e mësimdhënies si edhe gjendjen e pedagogëve. Me gjysëm çmimi do të blenin domate të kalbura. Kjo masë nuk mjafton!
Të marrin pjesë studentë në borde? Por ato borde janë jofunksionale me ose pa studentë, i kanë degraduar universitetet shqiptare. Jane pa asnjë legjitimitet.
Duhen kërkesa të vërteta që zgjidhin çështjet!
Per mua tani ka nevojë për masa të mençura:
1. Krijimi i një këshilli emergjence pranë Ministrisë së Arsimit ose edhe më lart për reformimin e arsimit të lartë.
2. Përgatittja e një samiti a kongresi për arsimin e lartë me të gjithë aktorët e interesuar sociale e politike dhe intelektuale të vendit. Urgjent.
3. Pranimi i amendimit të ligjit për arsimin e lartë, që e pranon ose jo ndonje fletushkë shërbëtore propagandistike people, është ai baza e të gjitha të këqijave që ka mbërthyer shkollën e lartë.
4. Përpunimi i shpejtë i modelit të universiteteve publike shqiptare.
5. Pezullimi i të gjithë bordeve për një kohë të dytë derisa të përpunohet modeli i ri i administrimit.
6. Pranimi i pagesës me këste i detyrimeve financiare të studentëve.
7. Pranimi i përpunimit të një ligjii të integrimit të shkencës dhe kulturës e dijes në shoqërinë e sotme shqiptare.
8. Planifikimi i një studimi mbi gjendjen e arsimit të lartë në Shqipëri dhe paraqitja e tij si një plan masash Kuvendit të Shqipërisë.
9. Bashkia Tiranë të kthejë në destinacion përdorimin e aseteve të UT që i janë uzurpuar në mënyrë arbitrare.
