Protestë në Kukës, kompania minerare shkatërroi rrugën! Banorët e Gjegjanit: U dëmtuan nga kamionët e kompanisë

Një grup banorësh të fshatit Gjegjan te Kukësit protestuan të mërkurën për dëmtimin e rrugës dhe urat në hyrje të fshatit. Ata thanë se rruga është dëmtuar nga kamionët e tonazhit të rëndë të kompanisë “Trade Minerals Al” shpk që shfrytëzon burimet minerare të bakrit në Gjegjan.

15 Nëntor 2023, 14:58| Përditesimi: 15 Nëntor 2023, 15:13

  • Share

Kukes - Rruga Gjegjan- Përbreg mbi 3 km ka dëmtime të strukturës, çarje të këmbëve të urave dhe plasaritje të asfaltit.

Banorët kërkojnë nga ana e institucioneve vendore por edhe ato qendrore ndërmarrjen e të gjitha hapave ligjorë për ndalimin e lëvizjes së kamionëve të kompanisë  “Trade Minerals Al” dhe rikonstruksionin e këtij aksi rrugor.

Banorët e Gjegjanit kërcënuan me bllokim të akseve nacionale nëse nuk do të ketë reagim nga bashkia e Kukësit dhe ministria e Infrastruktrës dhe Energjisë.  

Rruga e ndërtuar në vitin 1974 ishte projektuar për mjete të tonazhit deri 25 ton, ndërkohë sot kalojnë kamionët me tonazh 45 ton.

Lajmi ne perditesim...

S.G//ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?