Foto: Vladimir Putin
Presidenti rus Vladimir Putin gjatë një deklarate ditën e sotme ka reaguar mbi pretendimet se Perëndimi po lejon Zelensky-n që të urdhërojë sulme me raketa me rreze të gjatë veprimi, të marra nga shtetet Perëndimore, për të sulmuar objektiva brenda territorit rus.
"Nëse Perëndimi do të lejonte që Kievi të përdorte armë me rreze më të gjatë për të goditur objektivat ruse, kjo nënkupton se vendet e NATO-s janë në luftë me Rusinë dhe Moska do të marrë vendimet e duhura", ka thënë Putin.
Ditën e e djeshme (11 shtator) sekretari amerikan i Shtetit, Antony Blinken së bashku me sekretarin e jashtëm të Mbretërisë së Bashkuar, David Lammy gjatë një vizite në Kiev tha se Shtetet e Bashkuara të Amerikës janë gati që t’i japin dritën jeshile Ukrainës që të lëshojë raketa me rreze të gjatë për të goditur Rusinë.
SHBA dhe Britania i premtuan Ukrainës rreth 1.5 miliardë dollarë ndihmë shtesë, ndërsa autorizuan përdorimin e raketa me rreze të gjatë për të goditur objektivat që ndodhen thellë në Rusi. Po ashtu ata i premtuan Ukrainës rreth 1.5 miliardë dollarë ndihmë shtesë, përkatësisht 700 milionë dollarë ndihma humanitare nga SHBA dhe 782 milionë dollarë nga Britania.
Lajmi kryesor:
Lufta në Ukrainë/ Zelensky: Rusët sulmuan një kolonë të Kryqit të Kuq, 3 të vdekur! Putin: Nëse Kievi përdor raketat e Perëndimit në Rusi, NATO do të jetë në luftë me ne
Xh.K/ReportTv.al
