Receta

Qofte me kos dhe hudhra në furrë nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00 

20 Prill 2021, 10:08| Përditesimi: 20 Prill 2021, 10:09

  • Share

Qofte me kos dhe hudhra në furrë

Përbërësit:

Brumi qofteve

500 gr mish I grirë

1 qepë ( në rende)

1 lugë kafe piper të kuq

kripë dhe piper të zi

2 lugë gjelle majdanoz I grirë

1 fetë bukë e zbutur

1 vezë

pak vaj për skuqje

Për salcën me kos

800 gr kos dhe 4 thelpi hudhër

1.5 lugë gjelle miell

2 vezë

kripë dhe piper të zi

2 lugë gjelle gjalp

Përgatitja:

 Në një tas bashkojmë të gjithë përbërësit e qofteve, mishin e grirë, qepën e grirë, kripë dhe piper të zi, piper të kuq, majdanoz, bukën e zbutur në ujë ose qumësht, vezë, punojmë brumin dhe e lëmë atë të pushojë për 30 minuta. Më pas formojmë qoftet të cilat i skuqim shumë pak në tigan ose i vendosim në furrë dhe i pjekim. Nëse i skuqim më pas i vendosim në tepsi. Bashkojmë në një tas miell, vezë, kripë, piper të zi, kos i përziejmë dhe e shtojmë në tepsi duke mbuluar dhe qoftet, shkrijmë gjalpin dhe e shtojmë në tepsinë me kos dhe e vendosim në furrë në temperaturë 180 gradë Celsius për 20-25 minuta.

MC/ReportTv.al
Komento
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?