Ministrja e Shtetit për Mbrojtjen e Sipërmarrjes, Edona Bilali, në një intervistë për emisionin “N’kohë” në Report Tv, tha se nuk e priste t’i besohej posti i drejtueses politike të qarkut të Shkodrës. Ajo u shpreh në Report Tv se kjo është një sfidë e madhe për të.
“Drejtimi politik i qarkut Shkodër është një sfidë e madhe, nuk e kam pritur këtë gjë nuk di të them nëse është surprizë e këndshme apo jo, por është një përgjegjësi e madhe, për mua ishte surprizë, unë nuk e di nëse do t’ia besoja dikujt këtë post me karakteristikat e mia”, tha ajo.
Bilali u kthye pas në kohë teksa kujtoi gjimnazin që ka kryer në kryeqytet duke u shprehur se është bullizuar nga bashkëmoshatarët.
“Kam patur shumë bullizëm në Tiranë për gjuhën e trashë. E kam përjetuar në gjimnaz, më thanë ”erdhën këta malokët” ishte hera e parë në jetën time që e dëgjoja këtë fjalë”, tha Bilali.
Për videon që u bë viarale teksa ministrja pastronte mbetjet në një ndër lagjet e Shkodrës, Edona shpjegon për herë të parë prapaskenat e saj.
“Për pastrimin shyqyr që e nisi kryeministri që të mos dukem jashtë normales, nuk mund ta shohë mjedisin rreth e rrotull me mbetje. Edhe videoja për pastrimin e mbetjeve erdhi nga reagimi që shpesh bëhet në rrjetet sociale pa lexuar mirë mesazhin. E para, më akuzonin se ajo nuk mund të ishte rastësore, nuk e kuptonin që ai ishte një spot për të përcjell një mesazh. Por mesazhi nuk ishte i imi, ne vetëm ideuam videon. E dyta por më e rëndësishmja kryem një punë të mirë së bashku me një grup të rinjsh që nuk qëndruan në kafe apo duke parë tv”, tha Bilali.
Komente
Te fala ju ben Toma. Besoj me kupton.
PërgjigjuKudo neper BE ministrat te pakten nje here ne jave jane neper emisione-kafe dhe me pas dreke apo darke. Ne Shqiperi duhet te behet perdite ngaqe ne fund te fundit ca pune tjeter kane per te bere???
Përgjigju