Me origjinë nga Shkreli i Malësisë së Madhe, Lumturije Nonaj njihet jo vetëm si e vetmja lahutare në Shqipëri, por edhe si një person që ka kontribuar prej më shumë se 2 dekada në ruajtjen e traditave dhe vlerave kombëtare.
Është mbesa e lahutarit Gjok Nonaj, i cili u nda nga jeta në moshën 107 vjeçare. Shpeshherë i kemi parë të performojnë të dy bashkë, ndërsa tashmë Lumturija po zotëron e vetme skenat e mëdha brenda dhe jashtë vendit.
Të paktë janë ata që ia dinë përditshmërinë, ndaj për emisionin "Një nga ne", Lumturija hapi dyert e shtëpisë, për të treguar 24 orë jetë. Si i ka ndryshuar rutina pas martesës dhe vendi që zë muzika në jetën e saj?
Nga prerja e druve tek pjekja e rakisë, performanca fantastike me 12 instrumente muzikore dhe vallja me nënën në mes të Lezhës, një atmosferë që nuk duhet humbur në emisionin "Një nga ne".
