Katër shqiptarë janë arrestuar nga policia britanike pasi janë kapur brenda një ferme kanabisi në Britaninë e Madhe. Policia hyri në shtëpinë e barit dhe sekuestroi të gjithë lëndën narkotike të mbjellë së bashku me 14 mijë paund.
Oficerët gjetën në telefonat e tyre fotografi dhe selfie të cilat tregonin se si të arrestuarit kishin filmuar aktivitetin e kultivimit të lëndëve narkotike. Trokitjeve të policisë, iu përgjigju Elton Musta. Ndërkohë që oficerët hynë në banesën e përshtatur për kultivimin e drogës, një prej personave që ndodheshin brenda u hodh nga dritarja në përpjekje për t’u arratisur. Por arratia e Ledian Xhafës nuk zgjati shumë pasi u kap nga policët në oborrin e shtëpisë.
Elton Musta, 29 vjeç, Ledian Xhafa, 35 vjeç dhe Lorenc Cobo 37 vjeç dhe Renato Shyti, 23 vjeç janë katër të arrestuarit për kultivimin e kanabisit me qëllim shitjen. Asnjë prej tyre nuk ka ndonjë dënim të mëparshëm në Mbretërinë e Bashkuar. Të gjithë ata pranuan se kishin ardhur ilegalisht në Britaninë e Madhe.
Secili prej të arrestuarve u dënua me 36 javë burgim. Gjysmën e dënimit do ta vuajnë në paraburgim dhe më pas do të lirohen për të kryer pjesën tjetër të dënimit të mbetur në shërbim komunitar.
Komente
Britaniket duhet t'ju kerkojne falje ketyre cunave te Londres,se keshtu do Rama dhe shqipot e Britanise.Keta jane //engjej//!!
PërgjigjuPa u hap cik b*thesh me foto srim dot o kara sa me t thjeshte mundsisht pa telefona fare
Përgjigjugogola ....
Përgjigjuqeni ju qift robt