Serie A e futbollit nisi këtë të shtunë me javën e tetë. Në 15:00, Como dhe Parma barazuan 1-1, ndërsa 2-2 u ndanë Genoa me Bolognan. Kjo e shtunë vijoi në 18:00 me sfidën Milan 1-0 Udinese, ndërsa në 20:45 Juventusi fitoi 1-0 ndaj Lazios dhe kap Napolin në krye.
Në "Allianz Stadium" dhe mes shumë mungesave, Juventusi mposhti 1-0 Lazion duke marrë fitoren e parë që pas 19 gushtit të këtij viti në Torino. Një autogol i Gila në minutën e 85 vendosi ndeshjen, me "Zonjën" që për momentin bashkëkryeson kampionatin me Napolin, paçka se ka një ndeshje më shumë (edhe se Interi). Të martën Juve pret Stuttgartin në Champions League dhe fundjavën që vjen shkon në Milano për t'u përballur me Interin. Juve vijon mos humbasë në Serie A, duke pësuar vetëm një gol. Ndërkohë që në duelin e sotëm Lazio mbeti me një lojtar më pak pas minutës së 24, pasi Romagnoli doli me karton të kuq.
Me shumë vuajtje Milani ia doli të merrte tri pikë duke mposhtur 1-0 në "San Siro" skuadrën e Udineses. Goli i Chukueze në minutën e 17-të vendosi ndeshjen, edhe pse kuqezinjtë luajtën për 61 minuta me një lojtar më pak, kjo pas daljes me të kuq të Reijnders në minutën e 29-të.
Udinese provoi dhe gjeti dy herë golat. Si fillim me Ehizibue në minutën e 45+1 dhe me Kabasele në fundin e sfidës, të dy të anulluar për pozicion jashtë loje pas ndërhyrjes së VAR. Me këtë sukses Milan ngjitet në kuotën e 14 pikëve në vendin e tretë.
Në stadiumin "Giuseppe Sinigaglia", Como dhe Parma barazuan 1-1. Miqtë kaluan të parët në epërsi me Bonny pas 20 minutash, teksa Nico Paz barazoi në fundin e pjesës së parë.
Në "Luigi Ferraris", Genoa barazoi 2-2 me Bolognan. Orsolini dhe Odgaard shënuan dy herë për miqtë, ndërsa Pinamonti me dopietë barazoi në minutat 73 dhe 85.
Serie A, java 8:
E shtunë, 19 tetor 2024
15:00
Como 1-1 Parma
Genoa 2-2 Bologna
18:00 Milan 1-0 Udinese
20:45 Juventus 1-0 Lazio
Renditja:
Me shumë vuajtje Milani ia doli të merrte tri pikë duke mposhtur 1-0 në "San Siro" skuadrën e Udineses. Goli i Chukueze në minutën e 17-të vendosi ndeshjen, edhe pse kuqezinjtë luajtën për 61 minuta me një lojtar më pak, kjo pas daljes me të kuq të Reijnders në minutën e 29-të.
Udinese provoi dhe gjeti dy herë golat. Si fillim me Ehizibue në minutën e 45+1 dhe me Kabasele në fundin e sfidës, të dy të anulluar për pozicion jashtë loje pas ndërhyrjes së VAR. Me këtë sukses Milan ngjitet në kuotën e 14 pikëve në vendin e tretë.
