Serie A e futbollit në Itali vijoi këtë të shtunë me katër ndeshjet e radhës për javën e tretë.
Në "Olimpico", Lazio dhe Milan barazuan 2-2. Pavlovic zhbllokoi për miqtë pas tetë minutave, me Lazion që përmbysi me Castellanos dhe Dia në fraksionin e dytë. Ishte Leao që në minutën e 72-të shënoi golin e barazimit, për të bërë që djemtë e Fonsecas të dilnin me një pikë nga udhëtimi në Romë. Milan duket në alarm pasi në tre ndeshjet e para të Serie A nuk ka mundur të shijojë suksesin.
Në "Diego Maradona", Napoli i Contes fitoi 2-1 me përmbysje me Parmën. Miqtë shënuan pas 19 minutave me Bonny, ndërsa fundi ishte dramatik. Lukaku në 90+2 dhe Anguissa në 90+7 shënuan për napoletanët.
Në "Via del Mare" Leçe iu fal golit të Krstovic në pjesën e parë për të marrë tri pikë dhe mposhtur 1-0 Cagliarin. Për vendasit 90 minuta luajti Ylber Ramadani, ndërsa Medon Berisha qëndroi në stol. Për ishullorët në stol Alen Sherri.
Serie A, raundi 3:
E shtunë, 31 gusht 2024
Bologna 1-1 Empoli
Leçe 1-0 Cagliari
Lazio 2-2 Milan
Napoli 2-1 Parma
Renditja:
