Shqipëria në vend-numëro në renditjen e FIFA-s, Kosova shënon një tjetër rekord

Shqipëria mbetet në vendnumëro në FIFA. Në renditjen e muajit shtator publikuar sot Kombëtarja pozicionohet në vendin e 64-të. Kosova arrin renditjen më të mirë që ka pasur ndonjëherë në FIFA. Dardanët mbajnë vendin e 119-të duke fituar një pozicion. Renditjen e FIFA-s e kryeson Belgjika.

Andi Kapxhiu

19 Shtator 2019, 11:22| Përditesimi: 19 Shtator 2019, 11:30

Shqipëria mbetet në vendnumëro në renditjen e FIFA-s për muajin shtator. Kombëtarja mban vendin e 64-të në FIFA në renditjen e publikuar ditën e sotme nga institucioni më i lartë i futbollit në Botë. Ekipi i drejtuar nga Edy Reja as ka fituar por as nuk ka humbur pozicion krahasuar me renditjen e fundit. Gjatë kësaj periudhe Shqipëria ka zhvilluar dy ndeshjet eliminatore të Euro 2020 ku humbi me Francën 4-1 dhe fitoi 4-2 ndaj Islandës. Turqia rivali direkt në grupin tonë kualifikues dhe rivali i muajit tetor mban vendin e 36-të.

Kosova vijon ngjitjen në FIFA dhe arrin pozicionimin më të mirë që mund të ketë pasur ndonjëherë në FIFA duke vendosur një rekord të ri. Dardanët mbajnë vendin e 119-të duke fituar një pozicion krahasuar me muajin e fundit. Në shtator Kosova mposhti 2-1 Çekinë dhe u mposht 5-3 nga Anglia.

LEXO edhe...
Ka zbutur marrëdhëniet me Kim? Ja si përgjigjet Meta

Belgjika kryeson renditjen e FIFA-s me 1752 pikë e ndjekur nga Franca që ka fituar një pozicion dhe në vend të tretë është Brazili që ka zbritur me një pozicion.